2024- yilning 13- dekabr kuni Buxoro viloyat statistika boshqarmasida "Viloyatning 2024- yil dastlabki III- choragidagi ko'rsatgichlari" mavzusida matbuot anjumani bo‘lib o‘tdi.
Tadbirda boshqarma rahbariyati, OAV vakillari, hamda boshqarma bo‘lim boshliqlari ishtirok etishdi.
Matbuot anjumanini boshqarma boshligʻining o‘rinbosari Kamolov Kamol Roʻziyevich ochib, oxirgi yillarda statistika tizimida amalga oshirilgan islohatlar, oʻzgarishlar toʻgʻrisida qisqacha maʼruza qildi.
Shuningdek, statistika faoliyatini tashkil etish va yigʻma-axborot ishlar statistikasi boʻlimi boshligʻi Islom Islomovning "Buxoro viloyatining mamlakat boʻyicha yalpi ichki mahsulotga qoʻshgan hissasi va yalpi hududiy mahsulotning tarkibiy qismlari", qishloq xoʻjaligi va ekologiya statistikasi boʻlimi boshligʻi Sherzod Shodievning "Yalpi hududiy mahsulot ishlab chiqarishda qishloq xoʻjaligi tarmoqlarining hissasi" hamda roʻyxatga olish jarayonlarini tashkil etish va oʻtkazish boʻlimi boshligʻi Husenjon Fattoyevning "Mamlakatda 2025-2026 yillarda kutilayotgan aholini roʻyxatga olish masalalari" to‘g‘risida batafsil ma’lumot berib o‘tdi.
Tadbir yakunida OAV vakillari tomonidan berilgan savollarga boshliq o‘rinbosarlari hamda bo‘lim boshliqlari tomonidan batafsil javoblar berildi.
