Buxoro viloyat Statistika boshqarmasida Osiyo Xalqaro Universiteti talabalari uchun davra suhbati tashkil etildi. Mazkur tadbirda statistik ishlarni tashkil etish, aholi turmush darajasi, aholini ro‘yxatga olish jarayonlari va korrupsiyaga qarshi kurashish kabi dolzarb mavzular muhokama qilindi.
Uchrashuv doirasida talabalar statistika sohasining amaliy jihatlari, zamonaviy yondashuvlar va kasbiy imkoniyatlar bilan yaqindan tanishdilar. Davra suhbati yakunida talabalar oʻzlarini qiziqtirgan savollar bilan murojaat qildilar va amaliy javoblar olishdi.
