Joriy yilning 16- yanvar kuni Jondor tuman statistika bo‘limi tomonidan sportning shashka turi bo‘yicha qiziqarli va ma’naviy ko‘tarinki musobaqa tashkil etildi. Ushbu tadbir sportni ommalashtirish, xodimlarning bo‘sh vaqtini mazmunli o‘tkazish va intellektual salohiyatni oshirish maqsadida o‘tkazildi.
Musobaqada bo‘lim xodimlari faol ishtirok etib, o‘z mahoratlarini sinovdan o‘tkazdilar. Qiziqarli va hayajonli bahslar davomida shashka o‘yinining sir-asrorlarini chuqur bilgan va strategik fikrlashni namoyon etgan ishtirokchilar alohida ajralib turdilar.
Musobaqa yakunida g‘oliblar aniqlanib, faxriy yorliqlar bilan taqdirlandi. Tadbir barcha qatnashchilarga ijobiy kayfiyat va yangi g‘oyalar ulashib, do‘stona muhitda yakunlandi.
Mazkur musobaqa Jondor tuman statistika bo‘limi jamoasi orasida sog‘lom turmush tarzini targ‘ib qilish va ishchan muhitni yanada mustahkamlashga xizmat qildi. Kelgusida bunday tadbirlarni muntazam o‘tkazish rejalashtirilmoqda.