Joriy yilning 16- dekabr kuni Buxoro viloyat statistika boshqarmasi Investitsiyalar va qurilish statistika boʻlimi tomonidan hududiy statistika bo'limi xodimlari uchun “2024- yilning IV- choragida investisiya va qurilish statistikasi bo'yicha amalga oshiriladigan ishlar, jumladan 4-invest (asosiy) hisobotida 2024- yil III-chorakda yoʻl qoʻyilgan kamchiliklarni bartaraf etish toʻgʻrisida” mavzusida vebinar tashkil etildi. Unda Buxoro viloyat statistika boshqarmasi boshlig'i o'rinbosari Sh. Yusupov, investitsiyalar va qurilish bo'limi boshlig'i Sh. Xodjayev, Buxoro viloyat investisiyalar, sanoat va savdo boshqarmasi mas'ul xodimlari hamda tuman va shahar statistika bo'limi xodimlar ishtirok etdi. 
Vebinarda sohaga oid koʻrsatkichlar va ularni shakllantirish tartibi boʻyicha amalga oshirilayotgan ishlar holati va kelgusidagi ustuvor vazifalar to'g'risida atroflicha ma'lumot va tushunchalar berildi. Ushbu koʻrsatkichlarni hududlar kesimida hisoblash va eʼlon qilish tartibi misollar bilan koʻrsatildi va ularni qiziqtirgan savollariga javob berildi.
