Joriy yilning 21-oktabr kuni Buxoro viloyati statistika boshqarmasida “Ona tiliga sadoqat - Vatanga muhabbat timsoli” mavzusida ma’naviy-ma’rifiy tadbir tashkil etildi.
Mazkur ma’naviy-ma’rifiy uchrashuvga Buxoro davlat universiteti Oʻzbek tilshunosligi va jurnalistika kafedrasi professori Qilichev Bayramali taklif etildi. Muloqat davomida mehmon ishtirokchilarni Oʻzbek tili bayrami kuni bilan samimiy tabriklab, Oʻzbek tilining paydo boʻlishi va rivojlanishi tarixi haqida soʻz yuritdi.
O’zbek tiliga e’tibor faqat o’zbek tili bayrami kunida emas, balki har on har lahzada kunlik hayotimizga singgan qoidalar kabi bo’lishini ta’kidlab o’tdi. Uchrashuv davomida Qilichev Bayramali til haqida she’rlar aytib ishtirokchilarni xushnud etdi.
