Bukvus
fbg_bg_bottom

Qadim Buxoroga sayohat

Kontaktlar

Ishonch telefonlari
Markaziy apparat :
0 (371) 230-83-09
+ 998(65) 223-81-58
Email:
info@buxstat.uz
buxstat@exat.uz
buxstat@umail.uz

Axborot xizmati
+ 998(65) 223-82-78
Email: info@buxstat.uz

Elektron hisobot bo'yicha
+ 998(65) 223-82-78
+ 998(65) 223-81-96
+ 998(65) 223-83-37

Texnik qo`llab-quvvatlash
Email: info@buxstat.uz




“O‘zekspomarkaz”da qishloq xo‘jaligi uchun zamonaviy uskunalar ko‘rgazmasi ish boshladi

Poytaxtimizdagi “O‘zekspomarkaz” milliy ko‘rgazmalar majmuida qishloq xo‘jaligi uchun zamonaviy uskunalar va texnologiyalarning “Uzbekistan Agrotech Expo – 2018” XIII xalqaro ixtisoslashtirilgan ko‘rgazma-yarmarkasi hamda qishloq xo‘jaligi texnikasi va mashinalarining “Uzbekistan Agromash Expo – 2018” VII xalqaro ixtisoslashtirilgan ko‘rgazmasi ish boshladi. 


Mazkur ko‘rgazmalar qishloq xo‘jalik texnikasini ishlab chiqarish, yetkazib berish va servis xizmati ko‘rsatish, qishloq xo‘jaligi korxonalari hamda mashina-traktor parklarini zamonaviy texnikalar bilan qayta jihozlashga keng yo‘l ochadi. 

Ko‘rgazmalarda 110 dan ortiq mahalliy korxona, shuningdek, AQSH, Germaniya, Italiya, Turkiya, Niderlandiya, Isroil, Janubiy Koreya, Rossiya, Qozog‘iston, Ukraina singari mamlakatlarning 70 dan ortiq yirik kompaniyalari ishtirok etmoqda. 

– Yurtingizda qishloq xo‘jaligiga yangi texnologiyalarni olib kirish, bu borada hamkorlikni keng yo‘lga qo‘yish uchun qulay imkoniyatlar yaratilmoqda, – deydi “ACAR-MAK-SAN” korxonasi bosh menejeri Vahit Ajar (Turkiya). – Ana shu imkoniyatdan foydalanib, Samarqand shahrida korxonamiz filialini ochdik. Ushbu ko‘rgazmada bu yil ikkinchi bor ishtirok etayapmiz. Biz tavsiya etayotgan filtr va nasoslar orqali sug‘orilgan yerlarda meva-sabzavotlar hosildorligi yuqori bo‘ladi. Mazkur ko‘rgazma nafaqat o‘zbekistonlik fermerlar, balki xorijiy ishlab chiqaruvchilar uchun ham juda foydali. 

Ko‘rgazma bo‘limlarida agrosanoat kompleksi uchun keng ko‘lamdagi texnologiyalar, mexanizm va uskunalar, qishloq xo‘jaligi mahsulotlarini ishlab chiqarish va qayta ishlash, fermer xo‘jaliklari uchun modernizatsiya qilingan issiqxonalar, sovutish uskunalari va shu turdagi texnikalar taqdimoti bo‘lib o‘tmoqda. 

– Issiqxona daromadli soha, – deydi “MЕXMASH” kompaniyasi bo‘lim boshlig‘i Baxtiyor Inomov. – 2010 yilda Namangan shahrida ish boshlagan kompaniyamizda arzon narxlardagi issiqxona konstruksiyalari ishlab chiqariladi. Tomorqalar, fermer xo‘jaliklariga limon va ko‘chat yetishtirish uchun ishlab chiqilayotgan maxsus issiqxona komplekslari sifati, chidamliligi, hamyonbopligi bilan xorijnikidan qolishmaydi. 

Ochiq maydonda paxta terimi uchun mashinalar, kombaynlar, bog‘dorchilik traktorlari, o‘simliklar uchun purkov texnikalari, chopiq uskunalari va boshqa texnika vositalari namoyish etilmoqda. 

– Ko‘rgazmada oziq-ovqat, issiqxona, kushxonalar uchun maxsus uskunalar hamda muzlatkichlar bilan ishtirok etyapmiz, – deydi “King Road Agro-Animal” firmasi direktori Gao Yan (Xitoy). – Xaridorlar mahsulotlarimizga katta qiziqish bildirmoqda. 

Ko‘rgazma davomida ishtirokchilar qishloq xo‘jaligi sohasini rivojlantirish texnologiyalari bilan yaqindan tanishishi mumkin. Shu bilan birga, xorijiy korxonalarning ko‘rgazma mavzulariga oid bo‘limlar bo‘yicha seminar va taqdimotlari ham bo‘lib o‘tadi. 

Ushbu ko‘rgazmalar fermerlar, ishlab chiqaruvchilar va qishloq xo‘jaligi mahsulotlari, quruq va ho‘l meva-sabzavot eksport qiluvchi tadbirkorlar uchun ajoyib biznes maydoni bo‘la oladi. 

Ko‘rgazmalarning ochilishida O‘zbekiston Respublikasi Bosh vazirining o‘rinbosari N.Otajonov so‘zga chiqdi.

UzA

eStat 2.0.1.1
(19.04.2018)

Yangiliklar taqvimi

Du
Se
Ch
Pa
Ju
Sh
Ya
1
2
3
11
12
13
14
15
16
17
18
19
20
21
22
23
24
25
26
27
28
29
30
 
Iyun 2018
 

Sayt statistikasi

  • Sayt ko'rildi: 1828495
  • Foydalanuvchilar: 3

Yangiliklarga obuna bo'lish

Onlayn so'rovlar

Davlat xizmatlarini qanday ko'rinishda qabul qilishni hohlaysiz ?
Jo‘natish uchun belgilangan matn:
Siz "Jo‘natish" tugmasi orqali xatolik haqidagi ma‘lumotni jo‘natishingiz yoki xato haqida qo‘shimcha izoh kiritishingiz mumkin.