Welcome to Buxoro viloyati Statistika boshqarmasi   Click to listen highlighted text! Welcome to Buxoro viloyati Statistika boshqarmasi Powered By GSpeech

Davlatimiz rahbarining “Xalq davlat idoralariga emas, davlat idoralari xalqimizga xizmat qilishi kerak” degan ezgu g'oyasi asosida O'zbekiston Respublikasi Oliy sudi Rayosatining 2019 yil 19 yanvardagi “Respublika sudlarining 2018 yilda odil sudlovni amalga oshirish borasidagi faoliyati yakunlari hamda kelgusidagi vazifalari to'g'risida”gi qarori tasdiqlangan edi. Unda tadbirkorlik sub'ektlarining huquqiy ongini yuksaltirish, ularni qiynayotgan muammolarni aniqlash va bartaraf qilish maqsadida iqtisodiy sudlar rahbarlarining boshqa davlat organlari va muassasalari bilan hamkorlikda sayyor qabullarni va uchrashuvlarni tashkil etish belgilangan.

Mazkur qaror ijrosi yuzasidan kuni kecha Buxoro viloyat iqtisodiy sudining tashabbusi bilan Buxoro tumanidagi “Gala Osiyo qishloq xo'jalik kasb-hunar kolleji”da sayyor qabul, tadbirkorlar bilan uchrashuv, jinoyat va fuqarolik ishlari bo'yicha viloyat sudlari va qator mavzulardagi brifing tashkil etildi. Tadbirda O'zbekiston Respublikasi Oliy sudi raisining o'rinbosari B.Isakov, Buxoro viloyat iqtisodiy sudining raisi M.Saidov hamda tuman mutasaddi organlari vakillari hamda 200 ga yaqin tadbirkorlar ishtirok etishdi.

Uchrashuvda Respublika Oliy sudi raisining o'rinbosari Baxtiyor Isakov so'zga chiqib, bugungi kunda sudlar oldida turgan asosiy vazifa xalqni ichiga kirib borib, fuqarolar va tadbirkorlarning dardini eshitish va yechishda amaliy yordam ko'rsatishdan iborat ekanligini alohida ta'kidladi.

Sayyor uchrashuvda tadbirkorlar faoliyatidagi mavjud qiyinchiliklar va muammolarni bartaraf etish borasida viloyat va tumanlarning mas'ul mutasaddi idoralari bilan birgalikda tegishli tushuntirishlar berilib, amaliy yordam ko'rsatildi. Shuningdek, sudlarga murojaat qilish tartibi hamda tadbirkorlarga qonun hujjatlarida belgilangan imtiyoz va preferensiyalarni targ'ib qiluvchi bukletlar tarqatildi.

Tadbir yakunida Buxoro viloyat hamda tumanlararo iqtisodiy sudlarida haftaning har juma kuni “TADBIRKOR KUNI” etib belgilandi.

Tugmani bosing Tinglash