Welcome to Buxoro viloyati Statistika boshqarmasi   Click to listen highlighted text! Welcome to Buxoro viloyati Statistika boshqarmasi Powered By GSpeech

DEHQON BOZORLARIDAGI AYRIM TOVARLARNING O‘RTACHA NARXLARI, 1KG. SO‘MDA (2020-YIL 1-SENTABR HOLATIDA)

1 / 17
Navli bug‘doy uni - 4 716
2 / 17
Guruch - 8 181
3 / 17
Kartoshka - 3 596
4 / 17
Karam - 2 089
5 / 17
Pomidor -2 565
6 / 17
Bodring - 2 539
7 / 17
Sabzi - 3 047
8 / 17
No‘shpiyoz - 1 687
9 / 17
Olma - 8 386
10 / 17
Mol go‘shti - 51 869
11 / 17
Qo‘y go‘sht - 48 497
12 / 17
Tovuq go‘shti - 18 276
13 / 17
Turli baliqlar - 22 269
14 / 17
Yangi sog`ilgan sut (litr) - 3 786
15 / 17
Sariyog‘ - 53 399
16 / 17
Tuxum(10 dona) - 8 027
17 / 17
Tandir non (dona) - 2 796

   Yillar davomida xalqi uchun jon kuydirib, xalqim deb , yurtim deb yonib yashab kelgan yurtdoshimiz, mexribonimiz Oʻktam Barnoyev bugun olamdan o'tdilar. U kishining bosib utgan yo'llariga nazar tashlasak, juda og'ir ammo chin dildan Vatani uchun bosib o'tgan yo'llar edi. Romitan uchun, Buxoro uchun tinmasdan , kechalari uxlamasdan mexnat qildilar. Joyingiz jannatlardan bo'lsin Oʻktam Barnoyev! Sizni Buxoro xalqi yaxshi ko'radi, hammamiz duodamiz. Yaqinlariga va oila a'zolariga hamdardlik bildiramiz. Sabr- bardoshli bo'linglar. Ortlaridan qolgan farzandlariga u dunyo, bu dunyo saodatini bersin.

Axborot xizmati

Karantin davrida Buxoro viloyatidagi Xalq qabulxonalarida aholining uyda o‘tirgan holda telefon va internet orqali murojaat qilishi uchun barcha shart-sharoit yaratildi. Viloyat va tuman (shahar)lardagi Xalq qabulxonalari o‘rtasida murojaatlarni ko‘rib chiqishni nazorat qilishda, mavjud muammolarni muhokama etish va ularga yechim topishda videokonfrensaloqa xizmati yo‘lga qo‘yildi.

— Boshqacha aytganda, pandemiya paytida qanchalik murakkab bo‘lmasin sanitariya- gigiyena qoidalariga to‘la rioya qilgan holda bir kun ham o‘z ish faoliyatimizni to‘xtatmadik, – deydi O‘zbekiston Respublikasi Prezidentining Buxoro viloyati Xalq qabulxonasi mudiri Erkin Qudratov. — Bu esa joylardagi muammolarga, aholi murojaatlariga oqilona yechim topishda qo‘l keldi.

Shu o‘rinda ayrim dalillarga eʼtiborni qaratish o‘rinli. Jondor tumani 3-sektor hududidagi “Nurafshon” qishlog‘ida joylashgan 21-umumtaʼlim maktabi 1987-yilda qurilgan bo‘lib, 624 o‘ringa mo‘ljallangan edi. O‘quv muassasasi taʼmirtalab holga kelgandi. Ayniqsa, kuz-qish mavsumida maktabni isitish katta muammoga aylanardi. Jondor tumani Xalq qabulxonasiga murojaatdan so‘ng bu muammo sektor rahbari bilan birga tegishli mutaxassislar jalb qilingan holda atroflicha o‘rganildi. Bilim dargohi «Yo‘l xaritasi»ga kiritildi. Joriy yilda mazkur maktabni rekonstruksiya qilish va zamonaviy jihozlash uchun 3 milliard 200 million so‘m mablag‘ ajratildi.Qurilish-taʼmirlash va jihozlash ishlari poyoniga yetib qoldi.

Yoki boshqa bir misol. “Qirlishon” qishlog‘i Olot tumani markazidan qariyb 35 kilometr uzoqda joylashgan. Hududdagi 134 ta xonadonda 686 nafar aholi istiqomat qiladi. Qishloq aholisini toza ichimlik suvi bilan taʼminlash masalasi katta muammo edi. Aholi murojaatlaridan so‘ng davlat byudjetidan 2,9 milliard so‘m ajratilib, qishloqqa 11,5 kilometr uzunlikda ichimlik suvi quvuri tortildi, 1 ta suv inshooti qurildi. Bundan tashqari, hududga kirish joyidagi ko‘prik yangidan barpo etildi. Fuqarolar yig‘inini tuman markazi bilan bog‘lovchi asosiy yo‘lning o‘nqir-cho‘nqir qismi asfalt qilinib, taʼmirlandi.Ushbu yumushlardan viloyatning eng chekka qishloqlaridan biri sanalgan Qirlishonda yashovchilar xursand. Bu kabi misollarni yana ko‘plab keltirish mumkin.

Umuman olganda, Buxoro viloyatidagi Xalq qabulxonalariga 30 mingdan ziyod murojaat kelib tushgan bo‘lib, ularning asosiy qismi (61%) qanoatlantirildi, mingdan ziyod murojaat esa ko‘rib chiqish jarayonida. Mablag‘ va muddat talab etuvchi murojaatlar «Yo‘l xarita»lariga kiritilib, ularning hal qilinishi nazoratga olindi.

Bundan tashqari, Xalq qabulxonalari va sektor rahbarlari hamkorligida 656 marta ommaviy qabul va yoshlar bilan 397 ta uchrashuv o‘tkazildi. O‘rtaga tashlangan masalalarning aksariyat qismi qanoatlantirildi. Shuningdek, uyma-uy yurish orqali 2381 ta muammo aniqlanib, aksariyatiga yechim topildi.Qolgan qismi ijrosi nazoratda.

Istam Ibrohimov

Jinoyat ishlari bo‘yicha G‘ijduvon tuman sudida tuman IIO Probatsiya guruhi hisobida jazo o‘tab turgan 19 nafar mahkumni jazodan muddatidan ilgari shartli ravishda ozod qilish yuzasidan kiritilgan taqdimnomalar ko‘rib chiqildi.

— Mamlakatimizda sud hokimiyatining chinakam mustaqilligini, fuqarolar huquq va erkinliklarining ishonchli himoyasini taʼminlash hamda odil sudlovga erishish maqsadida keng qamrovli islohotlar jadallik bilan amalga oshirib kelinmoqda, – deydi Jinoyat ishlari bo‘yicha G‘ijduvon tuman sudi raisi B. Umarov. — ​Davlatimiz rahbarining 2020-yil 24-iyuldagi «Sudlar faoliyatini yana-da takomillashtirish va odil sudlov samaradorligini oshirishga doir qo‘shimcha chora-tadbirlar to‘g‘risida»gi Farmoni O‘zbekiston sud hokimiyatining tom maʼnodagi mustaqilligi va xolisligiga erishish, uni rivojlangan demokratik mamlakatlar tajribasida o‘zini oqlagan xalqaro standartlarga moslashtirish, jamiyatda qonuniylikni taʼminlash yo‘lidagi muhim qadam sanaladi.

Sud-huquq tizimida amalga oshiriladigan barcha ishlar zamirida qonun ustuvorligini taʼminlash, odil sudlovga erishish kabi ezgu g‘oyalar yotadi. Aynan inson va adolatli sud o‘rtasidagi o‘zaro munosabatlarda qonuniylikni va adolatni taʼminlaydigan harakatlar zamirida xalqimizning osoyishta hamda rozi bo‘lib yashash huquqi turibdi.

Yuqoridagi hayotiy tajribadan kelib chiqib Jinoyat ishlari bo‘yicha G‘ijduvon tuman sudi tomonidan Mustaqillikning 29 yilligi bayrami arafasida 19 nafar mahkum jazoni o‘tashdan muddatidan ilgari shartli ozod qilindi.

Kechirimlilik, bag‘rikenglik xalqimizga xos, qolaversa, maʼnaviy qadriyatimizdir. Jazodan ozod qilingan shaxslarning o‘z uyiga qaytishi, o‘sha oilalarda tinchlik-xotirjamlikni taʼminlash bilan birga,xonadon aʼzolarining davlatga, sud hokimiyatiga bo‘lgan ishonchiga ishonch qo‘shadi, albatta.

Istam Ibrohimov

Buxoroning asl farzandi, jonkuyari, tajribali rahbari Karim Jamalovich uzoq yillik fidokorona va samarali rahbarlik faoliyati davomida viloyatni ijtimoiy-iqtisodiy rivojlantirish, ulkan bunyodkorlik ishlari, xalqimiz farovonligini ta’minlashda jonbozlik ko‘rsatdi.

Tabiiyki, bugun o‘qishga qabul qilish testlari qachon, qayerda va qanday tartibda o‘tkazilishi hamda 2020-2021-o‘quv yilida taʼlim jarayoni qanday tashkil etilishi barchani o‘ylantirmoqda. Bunga sabab, tabiiyki, turmush tarzimizni o‘zgartirib yuborgan koronavirus pandemiyasidir. Shu bois Prezidentimiz raisligida shu yil 6 avgust kuni bo‘lib o‘tgan yig‘ilishda yuzaga kelgan murakkab vaziyatdan kelib chiqqan holda muammoni tizimli ravishda o‘rganish va ko‘psonli abituriyentlar va ota-onalar manfaatlari nuqtai nazaridan hal qilish yuzasidan mutasaddilar zimmasiga aniq vazifalar yuklatildi.

Shu maqsadda avvalo, test imtihonlarini abituriyentlar va nazoratchilar uchun epidemiologik xavfsizlikni taʼminlash imkonini beradigan joyda o‘tkazish kerakligi qayd etilgandi. Yopiq binolar epidemiologik talabga javob bermasligini, ijtimoiy masofaga rioya qilingan taqdirda imtihonlar vaqti anchaga cho‘zilib ketishini inobatga olib, test sinovlarini shaharlar, viloyatlar markazlaridagi stadionlarda tashkil etishga topshiriq berilgandi. Bunda imtihonlar kuniga 2 marta (havo salqin paytda) o‘tkazilsa, barchasini taxminan 12-14 kunda yakunlash mumkinligi alohida hisobga olindi. Mutasaddi vazirlik va idoralarga stadionlarni test sinovlariga puxta tayyorlash, ularning dislokatsiyasi bo‘yicha abituriyentlarni to‘liq xabardor qilish yuzasidan ko‘rsatmalar berildi.

Yuqoridagi talablardan kelib chiqib viloyatimizda oliy o‘quv yurtlariga kirish imtihonlari Buxoro shahridagi “Buxoro” sport majmuasi, “Umid” sport-sog‘lomlashtirish markazi stadionlarida, shuningdek, “Dilkusho” tennis majmuasi kortlarida o‘tkazilishi ko‘zda tutilmoqda.

Taʼkidlash joizki, pandemiya sharoitida barcha sohalar, jumladan, oliy o‘quv yurtlariga kirish imtihonlari muddati hamda tartiblariga ham qator o‘zgartirishlar kiritildi. Davlatimiz rahbari tomonidan oliy taʼlim muassasalariga kirish imtihonlarini karantin talablariga amal qilgan holda shaffof o‘tkazish bo‘yicha alohida topshiriq va ko‘rsatmalar berilgan. Shu boisdan bu yilgi kirish imtihonlarining belgilangan tartiblar bo‘yicha o‘tkazilishi uchun sharoit yaratiladi. “Buxoro” o‘yingohida 1 ming 80, “Umid” sport-sog‘lomlashtirish markazi stadionida 1 ming 260, “Dilkusho” tennis majmuasi kortlarida 960 kishiga mo‘ljallangan joy hozirlanmoqda.

Joriy yilda viloyatimizdan oliy o‘quv yurtlariga o‘qishga kirish maqsadida hujjat topshirgan abituriyentlar soni 65 ming 818 nafar bo‘lib,  o‘tgan yilda bu ko‘rsatkich 50 ming 518 nafarni tashkil etgan edi. Hukumatimiz hamda Davlat Test markazi bilan kelishilgan holda bu yilgi test imtihonlari 2 sentyabrdan boshlab o‘tkazilishi nazarda tutilmoqda. Aniqrog‘i, test sinovlari ikki smenada olib boriladi. Birinchi smenada 3 ming 300 kishi imtihon topshiradi. Umuman, viloyatda kirish imtihonlarini o‘n kunda yakunlash rejalashtirilmoqda.

Viloyat hokimligi matbuot xizmati 

Tugmani bosing Tinglash